Albisteak, aiurri.com

U.morez jardunaldiak, otsailean zehar

Mon, 06 Feb 2012 19:05:06 +0100

Bertsozale Elkarteak antolatuta, aurtengo U.morez jardunaldiak otsaileko bi ostegunetan burutuko dira Villabonako Subijana etxean:

Otsailak 16, osteguna

18:00 Mari Luz Esteban: ‘Begirada feminista bat euskal kulturari: irakaspenak periferiatik'.

19:30 Ander Izagirre: ‘Betaurreko moreak jarri nituenean...: kazetaritzatik esperientzia bat'.

Otsailak 23, osteguna

18:00 Mikel Otxotorena (On:giz elkartea): ‘Maskulinitate klasikoaren eraikuntza publizitate eta zinemaren bidez'.

19:30 Maddi Oihenart: ‘Kantugintzatik esperientzia bat'.

*Oharra: Hitzaldien ostean afaltzen gelditu nahi duenak aurrez izena eman behar du: umorez@bertsozale.com gunean.

Villabonako Olaederrerra fight taldea zorioneko dago

Mon, 06 Feb 2012 10:21:55 +0100

Joan zen urtarrillaren 21ean, Villaviciosa de Odónen (Madril), Espainiako Wushu (kung fu) txapelketa ospatu zen. Villabona Olaederra fight taldea, bi borrokalariz ordezkatuta egon zen: Denis Martin eta Ander Chaparro, QUIN DA junior borroka modalitatean. Denis Martinek, parekotasun handiko borrokak eta kanporaketak irabazi ondoren, urrezko domina lortu zuen. Ander Chaparrok, ordea, finalera iritsi eta gero, zilarrezko dominarekin konformatu behar izan zuen:

Josu Amilibia, Adunako alkate

Wed, 01 Feb 2012 09:17:56 +0100

Urtarrilaren 24ko Adunako Udal plenua berezia izan zen. 2003az geroztik alkate lanetan aritu zen Arantza Aburuzak karguari uko egin zion eta Josu Amilibiak hartu zuen bere lekukoa. Hitza hartu du alkate berriak.

Azparren-Zarikieta-Agoitz ibilbidea, Aizkardiren eskutik

Mon, 06 Feb 2012 09:38:18 +0100

Datorren igandean, hilaren 12an, Azparren-Zarikieta-Agoitz mendi ibilaldia burutuko dute Aizkardi mendi taldeko kideek. Azparrendik abiatuko dira (800m.) Mendigañara (1110m.), Zarikieta zeharkatu (1051m.) eta Agoitzera jaisteko (510m.). Ibilaldian zehar Itoizko urtegia eskubitara utziko dute parte hartzaileek Agoitzera jaisterakoan, Salazar bailara ezkerraldean dutela. 26 kilometro egiteko 6 ordu beharko dituztela aurreikusten dute antolatzaileek. Izena emateko: 649 717 182 edota Aizkardiren egoitzan (20:00-22:00), otsailaren 9a arte. Irteera goizeko 09:00etan izango da Olaederra kiroldegiaren ataririk.

Datorren asteartean hasiko dira Renfeko tren geltokiko pasabidea egiteko lanak

Fri, 03 Feb 2012 17:14:14 +0100

Comsa enpresak Andoaingo Udalari jakinarazi dio astearten (otsailak 7) iritsiko direla lehen langileak eta lan eremua prestatzeari ekingo diotela. Era berean, Leitzaur parke ondoan dauden lurrazpiko zaborrontziak itxi egingo dira eta ezin izango dira erabili. Horien ordez, Kale Berrian jarriko ordezkoak, gaur egungo lurrazpiko zaborrontziak dauden parean.

Oharra, taxien geltokia tokiz aldatuko dute. Obrak direla eta, Leitzaur parke ondoan dagoen taxi geltokia La Salle etorbideko aldapan ipiniko dute, zehazki, udaletxetik Urigain Kultur Etxera doan tartean.

Kaldereroen festa, Loatzo musika eskolaren eskutik

Fri, 03 Feb 2012 17:10:48 +0100

Loatzo musika eskolako arduradunek jakinarazi dutenez, urtero legez, Kaldereroak iristear dira Anoeta, Irura eta Ibarrara otsailaren 10ean, 10:00etatik aurrera. Festa ahalik eta ondoen prestatu nahian, ondorengo entseguetan parte hartzeko deia egin diete eskualdeko herritarrei:-Otsailak 7, asteartea: 18:00etan Irurako musika eskolan.-Otsailak 8, asteazkena: 19:00etan Ibarran (Allurrek erabiltzen zuen erreka ondoko lokal zaharrean).-Otsailak 8, asteazkena: 18:00etan frontoian. Entseguetan parte hartzea garrantzitsua dela adierazi dute antolatzaileek.

Bidezko merkataritzaren inguruko hitzaldia, Bateginik taldearen eskutik

Wed, 18 Jan 2012 18:09:25 +0100

Amasa-Villabonako Bateginik taldeak, -Caritas elkartea, Villabonako Udala eta Gipuzkoako Foru Aldundiaren laguntzarekin-, Bidezko merkataritzaren inguruko hitzaldia antolatu du otsailaren 9an, ostegunarekin, 19:00etan udaletxeko balio anitzeko gelan, Ekuadorko Gisela Alvarado eta Liliana Bermeoren eskutik. Ekuadorko ‘La pepa de oro' elkarteko fundatzailea eta Corprock kakao ekoizleen korporazioko lehendakaria da Gisela. Liliana, berriz, Ekuadorko MCCHko giza garapenerako arduraduna.

Piano jaialdiaren zazpigarren edizioa, asteburu honetan

Fri, 03 Feb 2012 12:09:47 +0100

Larunbat eta igande honetan Basteroko auditoriotik eta ekitaldi aretotik ehunka piano jotzaile igaroko da. Zazpigarren edizioa da, eta dagoeneko Euskal Heriko musika eskola askoren buruan dagoen jaialdia da. Araba, Bizkaia, Nafarroa eta Gipuzkoako 52 herritatik 889 pianojotzaile gerturatuko da Andoainera.

Urnietako langabetu taldea

Fri, 03 Feb 2012 12:08:26 +0100

Urnietako langabetuek ere badute elkartea, eta hasiak dira bizi duten egoera larria kaleratzen. Bi bilkura egin dituzte jada plazan. Antonio Rosco elkarteko eragileetako bat da.

Santa Agedako erronda Urnietan

Fri, 03 Feb 2012 12:06:47 +0100

Azken urteetako ohiturari jarraituz, herriko kaleetan zehar taldetxo bat koplak abestera aterako da. Urnietako Udalak gazte nahiz helduei ekimenean parte hartzeko deia egiten die. Taldea larunbat honetan 18:00etan kalez kale aterako da, aurretik Lekaion azken entsegu saioa egin eta gero.

Entseguak: