Lekukoa jasota, 2012ko Kilometroak jaia antolatzeko lanetan ari dira Andoaingo Aita Larramendi ikastolako kideak. Arkaitz Lasa da jaiaren koordinatzaile nagusia eta hark eman ditu egiten ari diren lanaren inguruko azalpenak.

2011.10.10. "Kilometroak 12ko Antolaketa Batzordeak eskerrak eman nahi dizkie  igandean egin zen lekukoaren harrera ekitaldira gerturatu ziren euskaltzale guztiei. Ekitaldi xumea izan arren Goikoplazan bildu zen jendetzak adierazten du datorren urtean Andoainen egingo diren Kilometroek babes eta laguntza handia izango dutela andoaindarren partetik eta Ikastolaren proiektua oso txertatua dagoela herrian.
Lekukoa jaso izanak, bestalde, esan nahi du Kilometroak antolatzeko lanak hasi direla dagoeneko eta aurretik lan handia dugula jakin arren, gogotsu helduko diogu erronkari".

2011.10.9. Goikoplazan jendetza bildu zen igande iluntzean. Plazan ehunka herritar, eta udal batzarraldi aretoan Udal ordezkariak eta baita izendapenarekin pozarren agertu zen euskaltzale ugari ere.