Eguraldia ez zuten lagun izan baina honek ez zuen urteroko kirol-zita zapuztu Zizurkilen. Ezegonkortasunaren aurrean, udaletxe ondoko belazean beharrean, frontoian egin zituzten herri kiroletako probak. Honela, hamazazpi partehartzaile elkartu ziren kantxaren erdian. Eta hauen erakustaldiaz gozatzera gerturatu ziren ikusleak ere asko izan ziren.

Abuztuaren hamalaugarrena eta euriak ez zuen atseden hartu. Are gehiago, indarrez aritu zen Adunako jaiak bustitzen. Gaueko hamaiketatik aurrera, kontzertuen tartea zegoen iragarrita. Zuzenean aritu behar zuten Nerea eta Beñat, Desordutan eta Lain taldeak. Tamalez, euria tartean sartu zen eta Desordutan eta Lain-ek ezin izan zuten eszenatoki gainean agertu.

Uztailaren azken egunean hasi ziren Andoaingo Goiburu auzoko jaiak. Nagikeriak albo batera utzi eta goizean goiz ekin zioten jaiari. Seiak eta laurdenetan abiatu ziren baserriz baserri oilasko biltzaileak. Umore onean eta trikitixaren doinuaz lagunduta, eguerdira bitartean ibili ziren.

Abuztuaren lehen egunarekin batera hasi ziren Larraulgo San Esteban jaiak. Hiru eguneko egitarau oparoaren baitan, lehen eguna haurren paradisu izan zen. Haur-parkea frontoian, duathloia eta buruhandiak izan zituzten besteak beste.

Santio egunez jokatu zen Villabona-Amasa eta Asteasuren arteko Xiba lehiaketa. Lehia oso orekatua izan zen baina sokatirako azken frogan jokatu ziren bi puntuek, Asteasura eraman zuten garaipena. Ez zen, ordea, lan erraza izan. Villabonatarrei ez zitzaien antzeman zazpi egunetako jaien zama eta nekerik; fin aritu ziren guztiak ere.

Santio jaietako hirugarren eguna berezia izan zen askorentzat. 300 lagunetik gora bildu ziren Inude eta Artzainen konpartsa herrikoian. Eguraldi onak lagunduta, aparteko festa giroa nagusitu zen Villabonako kaleetan.

San Inazio egunez amaitu ziren Andoaingo Etxeberrieta auzoko jaiak. Bukatu bai, baina ez edonola. Bazkari paregabea, "Los Rubi" taldearen musika dantzagarria eta omenaldiak izan zituzten jaien azken txanpan.

"Atari bizi" lehiaketaren bidez, Villabona eta Amasako balkoi eta atari politenak saritu ziren. Epaimahaiak, originaltasuna, itsura eta dibertsitatea hartu zituen kontutan. Irizpide horiek jarraituz, Maria Jesus Goia Ezenarroren balkoia izan zen lehenengo sariduna.