Gaur eguerdiko 12:45etan hil da Josune Arretxe Zugarramurdi amasarra. Gaixotasun larri batek eraman du 28 urteko gaztea. Neska saiatua eta langilea zen, irekia eta atsegina. Historia ikasketak egin zituen Gasteizen, entzuten eta hizketan zekien neska adoretsuak. Azken legealdian Villabonako ANV-EAEko Udal taldeko zinegotzi lanetan aritu da, Mendiak eta Ingurumena, Ongizatea eta Emakumea batzordeetako buru. Gai potoloen aurrean ez zen kokiltzen eta aurrez aurre aritzea gustatzen zitzaion.

Bihar, arratsaldeko 19:00etan, Amasako San Martin elizan izango dira Josune agurtzeko hileta ospakizunak.

Argazki gehiago ikusi

Josuneren kronikak: Amasatik Hiru Erregeen Mahaira  / San Juan sua Amasan

Josuneren hitzak Aiurri aldizkarian: Remi Ayestaran Udal kidearen inguruan

Santiago egoitzaren inguruko gatazka

El Salvadorreko Segundo Montes komunitatetik bueltan

Irailaren 8an, arratsaldeko 19:00etan ekingo zaio Zizurkilgo kros mistoari. Ordubete lehenago zabalduko dute izena emateko tartea eta ondoren, plazan bilduko dira korrikalariak, saioari ekiteko. Zazpi kilometro inguruko ibilbidea bete beharko dute partaideek, bikoteka.

Gaur eguerdian egin da Berrobin bertako Herri Krosaren VIII. edizioa. Eguraldi bikainarekin 88 lasterkarik 5 itzuli eman dizkiote 1500 metroko zirkuitu zoragarri bati, zazpi kilometro eta erdiko ibilbidea osatuz. Irabazlea, Imanol Cruz donostiarra izan da 23:50ko denbora eginda. Emakumeen kategorian, Aitziber Ibarbia zizurkildarra izan da azkarrena 30:29ko denborarekin. Eskualdeko hainbat lasterkari izan da Berrobin, hona hemen sailkapenak:

Irailaren 18 eta 19an Aigüestortes parke naturalera irteera antolatu du Aizkardi mendi elkarteak.

Irailak 18, larunbata: Arties-etik abiatu eta Restanca (2000m) laku eta aterpetxera iritsi. Handik 2400 metrora kokatutako lakuetara igo eta Port de Caldes-etik Colomers (2171m) aterpe etalakurajaitsiko dira, bertan afaldu eta gaua igarotzeko.

Irailak 19, igandea: GR10a jarraitu Port de Reterara (2600m) igo arte.Raterako tontorrera igotzeko aukera izango da (2863m). Handik Saboredoko aterpera jaitsi (2310m) ondoren, Gelat lakutik (2490m) 2587 metroko tontorrera igoko dira.Gerber bailaratik egingo dute jaitsiera La Peulla (Bonaiguaren ondoan, 1935m) amaitzeko.

Informazio gehiago edota izena emateko 649 717 182 telefono zenbakira deitu abuztuaren 30etikirailaren 14a arte (20:00-22:00). Gainerakoan, Aizkardi elkartean ostegunetan (21:00-22:00).

Irrintzi elkarteak Villabonako Udalaren babesean urtero antolatzen duen Azoka berezia irailaren 11n izango da Errebote plazan, 09:00etatik 14:00etara. XV.a aurtengoan. Urtero bezala, eskaintza zabala izango da: jaki eta edariak nagusituko dira eta lehen hiru postu onenentzat sariak banatuko dituzte Udaleko kideek eta antolatzaileek. Eskualdeko elkarteen arteko urteroko Isats Gisatuen lehiaketa ere izango da eguerdian eta Irrintziko kideek hamaiketakoa eskaintzeko taberna ere jarriko dute.

San Bartolome eguna aurrera doa Larraulen. Goizeko meza eta txirrindulari frogaren ostean, hamaiketakoa izan da Katillutxulo elkartean eta segidan, baita ahari jokoa ere. Arratsaldeko 18:00etan idi frogak izango dira eta trikitilxa ondoren. Gauean plazako dantzaldiarekin aurtengo ospakizunei amaiera emango zaie.

Argazki gehiago ikusi

Eguraldiak gehiegi lagundu ez bazuen ere, festa giro ederra gailendu zen Zizurkilgo Andramari jaietan. Herritarren arteko herri kirol lehiak ikusmin handia piztu zuen. Lau neska mutil bikoteren arteko sega lehiak eman zion hasiera ikuskizunari eta harriari tirak, zortzi mutil eta Areta baserriko behorraren arteko dema politak eman zion jarraipena. Trikiti lehiaketa, oilasko jokoa, herri afaria, pilota, haur ekitaldiak, idi demak, musika, dantza... festarako aitzakia ugari izan zen abuztuaren 13tik 16ra. 

Oilasko jokoa, Umeen ekitaldiak, Txupinazoa, Herri kirol lehia, Idi demak, Trikitixa txapelketa, Musikari gazteen emanaldiak, Bertso saioa, Katerik gabeko bizikleta jaitsiera

Abuztuak 24, San Bartolome eguna. Sanesteban festak bukatu berritan, San Bartolome eguna ere egitarau zabalarekin ospatuko dute Larraulen. Hara gaurko ekitaldiak:

11:00 Meza nagusia.

11:30 Txirrindulari igoera.

12:00 Hamaiketako herrikoia Katillutxulo elkartean.

13:00 Ahari jokoa.

18:00 Idi frogak.

20:00 Erromeria Solano eskolako trikitilariekin.

22:30 Dantzaldia Urarte taldearekin.

Axeri dantzarekin eman zien hasiera jaiei aurten ere, urteroko legez Adunako gazteek.

Eguraldiak gehiegi lagundu ez bazuen ere, giro ederrean hasi ziren atzo Zizurkilgo jaiak. Goizeko 07:00etan atera ziren oilasko biltzaileak eta eguerdian, Bernarda Usabiagak botatako suziriak eman zien hasiera ofiziala jaiei. Jende asko bildu zen plazan oilasko jokoa ikusteko eta amaieran, dantza saio polita eskaini zuten herriko gazteek. Arratsaldean, herriko haurren arteko pilota partida bizi-biziak izan ziren ikusgai eta ondoren, katerik gabeko bizikleta jaitsiera egin zuten. Umeen eguna ospatuko dute gaur Zizurkilen.

Ikusi gaurko egitaraua

Oilasko jokoa, Umeen ekitaldiak, Txupinazoa

Larunbatean hasiko da Donostiako Aste Nagusia, eta Gara­yar au­tobus zerbitzuak autobus be­reziak jarri ditu festak iraungo duen asterako. Donostiatik Urnietara: gaueko 02:30ak arte, 15 minuturo izango da autobusa. Ordu horretatik aurrera ordubetero, goizeko 06:30ak arte. Urnietatik Donostiara: gaueko 02:00ak arte ordu laurdenero izango da autobus zer­bi­tzua. Eta goizeko 06:00ak arte ordubetero. Amabirjin bezperan eta egunean bertan (abuztuak 14 eta 15) zerbitzua zabalagoa izango da. Orduerdiro izango baitira autobusak, gau osoan zehar, bi norabideetan.

2010.VII.16. Ezker Abertzaleari, Ezker Batuari eta Alternatibari San Marko mankomunitatean zuten gehiengoa kentzeko asmoa agertu zuten PSE-EEk eta EAJk, eta San Markon zuen ordezkaritza aldatzea proposatu zuten uztailean erresgistratutako mozio baten bidez. Gauzak horrela, gaur eguerdian burututako ez ohiko batzarraldian, espero bezala, Ezker Abertzaleko zinegotzi bat kendu (Iñaki Mendizabal), eta zinegotzi horren ordez EAJko bat jarri dute (Miren Martiarena) EAJ eta PSEren aldeko botoekin (13tik 7 boto) eta UDA, Ezker Abertzalea eta Herrigintzaren aurkako botoekin. Batzarraldian izan dira Hernani, Usurbil eta Oiartzungo alkateak (atez-ateko zabor bilketa martxan duten hiru herriak). 

Iñaki Aranzadi Urnietako erretoreak 25 urte egingo ditu aurten apaiz jardunean Urnietan. Urteurren horren harira, omenaldia eskainiko zaio irailaren 19an. Honako ekitaldiak antolatu dira: 10:00etan kanpaiak joko dira; 10:30ean, kalejira Txanbolin txistu bandaren eskutik; 11:00etan meza nagusia; 12:00etan diaporama Sanmiel elizan; 13:30ean herri bazkaria Egape ikastolako aterpean. Bazkarian parte hartzeko 30 euroko diru sarrera egin behar da irailaren 6a baino lehen ondorengo konturen batean:
EUSKADIKO KUTXA (Caja Laborala): 30350148151481036179
GIPUZKOA  KUTXA: 21010068780127483121