Villabona 2014-09-20 10:13:56

Datorren igandean, irailaren 21ean, Billabona FKEren lehen partida jokatuko da Arratzaingo zelai berrituan.

-11:00 Billabona FKE / Euskalduna (Andoain). Lehen mailako kadeteak.

-16:00 Billabona FKE / Antiguoko (Donostia). Ohorezko kadeteak.

*Argazkian Mikel Elizegi, Asier Etxaniz eta Sergio Pascual zuzendaritza batzordeko kide eta entrenatzaileak, Arratzaingo zelaia berrikuntza lanetan zela.

Eskualdea 2014-09-19 13:01:42
Hona hemen asteburuan jokatuko diren futbol partidak:
Villabona 2014-09-19 12:46:48

Aizkardi mendi taldearen ekimenez, irailaren amaieran ekingo zaio Ttottorrez ttonttor ekimenari, alegia, haur nahiz gurasoak batera mendi irteerak egiteari. Datorren irailaren 23an, asteartea, gurasoei zuzendutako informazio bilera irekia egingo da Aizkardi mendi elkarteko egoitzan, iluntzeko 20:30etan. Nahi duen oro dago bertara gonbidatuta, billabonatarra izan nahiz eskualde mailakoa. Lehen irteera, berriz, irailaren 28an izango da, Amasamendin barrena. Irteera: 08:30etan Olaederra kiroldegiaren paretik.

Zizurkil 2014-09-19 11:26:15
Ertzaintzaren Prentsa Bulegotik jakinarazi dutenez, gaur goizaldeko lauak aldera, pertsona batek Ertzaintzari hots egin dio, Zizurkilgo baserri batean lapurreta egiten ari zirela esanez. Deitu duenak jakinarazi duenez, matxete, makil, igitai eta sardeak zituzten zenbait pertsona etxebizitzan sartzen saiatzen ari zen. Ertzainak gerturatu direnean, auto bat ikusi dute abiada bizian tokitik alde egiten. Ibilgailua geldiarazi ondoren, barruan zihoazen lau pertsona identifikatu dituzte. 21 eta 28 urte arteko lau gizon ziren. Etxebizitzatik hartutako matxete-funda bat eta tablet bat aurkitu dizkiete.  Atxilotu egin dituzte lau gizonak lapurreta-delitua egotzita. Polizia etxera eraman dituzte, epailearen aurretik pasa daitezen. Ikerketa zabalik dago oraindik. 


Zizurkil 2014-09-19 11:12:02
Iazko esperientzia onari jarraituz, Zizurkilgo Udal Liburutegiak Haur Irakurketa Kkluba abiaraziko du udazkenean. Denboraldi berriari forma ematen hasteko bilera deitu dute datorren ostegunerako. 18:00etan hasiko da bilera, Atxulondo Kultur Etxean eta gonbidatuta daude iazko irakurketa klubeak parte hartu zuten gurasoak eta ekimenean parte hartzeko prest daudenak. 
Aduna 2014-09-19 10:16:30
Azaroaren 17tik 23ra ospatuko da aurtengo Kultur Astea eta dagoeneko hasi dira lehen prestaketa lanak. Herritarren proposamenak jaso nahi dituzte aurtengo Kultur Asterako. Horretarako, bi bide izango dituzte adunarrek; udaletxeko buzoian idatzizko proposamenak uztea, edota antolaketarako bileretara joatea. Irailaren 25ean, ostegunarekin, egingo dute lehen bilera, Kultur Aretoan, 19:00etan hasita.
Urnieta 2014-09-19 08:14:28
Norabide bikoitzean, gainera. Miren Martiarena Gizarte Zerbitzuetako zinegotziak beste herri askotan egiten ari diren bezala eraso sexistak saihesteko "errespetua" eskatu zuen. Jaien aurkezpenaren amaiera aldera, Mikel Pagola alkateak ere Udal langileen eta bolondresen lana aintzakotzat hartzea eskatu zuen. Bereziki, trafiko aldaketa nabarmenak egongo direlako. David Rosco Sustapen zinegotziak aurkeztu zuen ekitaldia, zeinean herri eragile ezberdinek parte hartu zuten.
Eskualdea 2014-09-18 15:54:41

Mugikortasun astearen baitan, hainbat ekintza burutuko da eskualdean asteburuan hasita:

ZIZURKIL: Bizikletak konpontzeko tailerra. Irailak 20, larunbata. 10:00-13:00, plaza.

AMASA-VILLABONA: Bizikletaren 2. eskuko azoka. 09:00-10:30 Materiala jaso. 10:30-14:00 Azoka Berdura plazan. Irailak 20, larunbata. Eskolara oinez ekimenaren hasiera. Irailak 22, astelehena.

Villabona 2014-09-18 15:14:12

Gaur goizean hasita, Eskoziako etorkizuna burujabetzan eraikitzeko burutzen ari diren erreferendumari babesa emanaz, Eskoziako bandera ikus daiteke Villabonako Udaleko balkoian. Aurreko astean, Kataluniari keinu eginez estelada jarri zuten bezala, gaurkoan Eskoziako banderari egin diote leku, Udal Gobernuak Eskozian ere erabakitzeko eskubidearen aldarriarekin ez ezik, egikaritzearekin ere bat egiten baitu. Horren adibide, Udalak kaleratu duen ondorengo adierazpena.

Villabona 2014-09-18 13:05:31
Pilar Garaiburu Beloki billabonatarrak 100 urte beteko ditu irailaren 24an. Sasoiko eta arin mantendu da, oinez ibiliaz.
IRUDIETAN
BIDEOAK
Eskualdea
Eskualdeko bideoak
Ikus bideo guztiak(+)
AGENDA
ZORION AGURRAK
  • ZORIONAK OIHAN
    Oihanek irailaren 22an 10 urte beteko ditu. Zorionak guraso eta arrebaren partetik. Ondo pasa zure egunean eta berdin jarraitu. Pilo bat maite zaitugu.
  • ZORIONAK GORKA
    GORKA DIEZ REZOLAK irailaren 24an 17 urte egingo ditu. ZORIONAK etxeko "txikiari" eta muxu handi bat denon partez.
  • ZORIONAK!
    Zorionak pasa den zuen 50. urteurrenarengatik. Urrezko ezteiak! Zuekin eta zuei esker egindako ibilbidea zoragarria izan da! Muxu handi bat biloben eta zuen seme-alaben partetik.
  • ZORIONAK EÑAUT
    Eñaut Berrueta Aznarrek uztailaren 27an 2 urte bete zituen. Ez zaigu zure urtebetetzea ahaztu, e! Muxu handik aiton-amona eta osabaren partetik.
  • ZORIONAK JOKIN
    Zorionak Jokin. Bi urte egin dituzu. Ondo pasa eta muxu potolo bat amona eta aitonaren aldetik.
  • ZORIONAK
    Irailan urteak betetzen dituzuenoi zorionak eta ondo-ondo ospatu! Adunako eskolako lagunak.
  • ZORIONAK AMETS
    Irailaren 17an, Ametsek 4 urte bete zituen. Zapatila eta patin berriekin noraino joango zara, kaxkurrio? Ondo pasa zenuelakoan,  muxuak. Etxekoak.

  • ZORIONAK GALDER ETA XABAT
    Irailaren 30ean urte bete!!! Orain bezain alai jarrai dezazuen. Muxu handi bat etxekoen partez.
  • ZORIONAK NAIA
    Naiak urriaren 7an 3 urte beteko ditu. Zorionak guraso eta anaiaren partetik. Ondo pasa zure egunean, piilo bat maite zaitugu. Etxekoak.
IRITZIA
ARGAZKI BILDUMAK
INKESTA
Aiurri astekarian zer duzu gogokoen?
Aiurri astekarian zer sakonduko zenuke?
Zumea plazako eskultura
Galdera: Zumea plazatik kendu eta gero, Andoaingo beste kokagune batean jartzearen alde zaude?

Azpikolako harrobia
Azpikolako harrobia irekitzea aztertzen ari da Andoaingo Udala. Ados al zaude?
© Erroitz. Aiurri, eskualdeko nortasun hitzak. 943 300 732 andoain@aiurri.com