Villabona 2015-05-22 13:36:19

Bihar larunbata, II. Ardo Azoka izango da Errebote plazan. Goizez 11:30etatik 15:00etara eta arratsaldez 18:30etatik 21:00etara egongo da zabalik. Villabonako ardoaren lagunak taldeak antolatu du ekimena, Udalaren, Benta Aldea bodegoiaren eta Aranburu ardotegiaren babesarekin. Hamar bodega ezberdinetako ardoa dastatzeko aukera izango da bertan eta ardoez gain, pintxoak ere eskainiko dira. Zozketa ugari egingo da egunean zehar.

Gauean festa luzatzeko aukera izango da Onddo gazte asanbladak antolatu dituen kontzertuekin.

Andoain 2015-05-22 12:57:36

Andoaingo EH Bilduk PSE-EEri hondakinen kudeaketan gezurretan aritzea leporatu dio, prentsa ohar bidez:“Hondakinen kudeaketaren inguruan, EHBilduk bere programan jasoa ez duen sistema defendatuko duela dio PSE-EEk. Duela aste batzuk egin genuen publiko gure programa, ordea, eta, han argi eta garbi adierazten dugu zein den aurrera eramango dugun sistema; hain zuzen Hondakinen Mahaiak adostutakoa”.

Aiurrik antolatutako debatean Lainezek argudio hori bera erabili zuen, eta debatean bertan hori ez zela horrela erantzun zioten mahaikideek.

Villabona 2015-05-22 12:52:29
Joan zen astelehenean (maiatzak 18) ekin zitzaion Onddo gazte asanbladak antolatzen duen Santio jaietako futbito txapelketari. Aurrerantzean beraz, astelehen, asteazken eta ostiral iluntzetan futbol partida izango dira Errebote plazan. Urte luzetako tradizioa du txapelketa honek eta giro bikaina sortzen du plazan. Festetako lehen egunean, uztailaren 24an jokatuko da txapelketako bi talde onenen arteko finala. Argazkia joan zen astelehenean ateratakoa da.
Urnieta 2015-05-22 12:43:20
“Txo mikmak indioa da, itsasoaren bestaldetik iritsia. Berarekin eta aitona Rokerekin plana egin dugu: Mundua aldatzeko batu gara, izan ere, Roke arotza baita eta egurrezko ametsak egiten ditu esna. Plastikozko zabortegi bihurtzen ari da itsasoa, eta balea bat gaixorik iritsi da hondartzara. Albaola ontziolan San Juan baleontzi berria eraikiko dugu, eta enbata guztien gainetik, txiribuelta emango diogu munduari”.
Zizurkil 2015-05-22 11:32:13

Zizurkilgo nigeriar taldeak ikastaro berezia eskaini zuen atzo Atxulondo kultur etxean. Afrikako hainbat ohituren inguruko azalpenak eman zizkieten bertaratutakoei; ilean txirikordak egin zizkieten hala nahi izan zuten guztiei, haurrak zapiarekin eramateko modua erakutsi zuten, eta baita buruko zapia jartzen ere. Musika lagun, ez zuten dantzarako aukerarik galdu. Giro ederrean joan zen ostegun arratsaldea Atxulondo kultur etxean. 

Argazkiak

Villabona 2015-05-22 11:31:41

Zubimusuk Ikastolako Guraso Elkarteak lehen sorospenei buruzko hitzaldia antolatu du larunbat honetarako, maiatzaren 23rako. Saioa goizeko 09:30etik 12:30era izango da Ikastolaren Txermingo eraikineko liburutegian. Ikastaroa Gurutze Gorriak emango du. Tokia mugatua denez, izena ematea eskatu dute antolatzaileek, 943 69 23 21 telefonora deituz edo zubi-musuge@jesusenbihotzaikastola.org helbidera idatziz.

Villabona 2015-05-22 11:22:16

Maiatzaren 27tik ekainaren 4ra VI. Elkartasun astea burutuko da Villabonan. Hitzaldi, dokumental, senidetze eguna, erakusketa..., ekimen ugari antolatu dute. Jarraian egitaraua osorik:

Aurkezpen bideoa

Villabona 2015-05-22 11:12:38

Atzo iluntzean Tolosaldeko EH Bilduk ekitaldia egin zuen Villabonako Berdura plazan. Lehenik eta behin, 2011-2015 legealdiko Udaletako ordezkariak igo ziren taula gainera eta aurreskua dantzatu zieten dantzariek. Jarraian, datorren legealdirako alkategaiek hartu zuten lekua eta geroago baita gainerako zerrendagaiek ere:

Argazkiak

Andoain 2015-05-22 08:18:56
Halaxe erabaki dute Andoaingo hainbat eragile eta kultur taldek. Boto gehiena jaso dituen pertsona izan da, izendatuta zeuden hautagai guztien artean.
Merezimenduzko arrazoi ugari azaldu dituzte Aiertza nabarmentzeko; hala nola, ia hogeita hamar urtez Buruntza auzoko jaien arima izatea, eta, herriko era guztietako ekimenetan aurkezle izateaz gain, horien antolaketa batzordeetan parte hartzaile izatea. Adierazi dutenez, "azken batean, Ainhoa eragile aktiboa da andoaindarrek herrikideen eta Andoaingo kultur bizitza aberasteko antolatzen dituzten ekimenetan; pertsona eskuzabala, altruista eta zintzoa da".
Eskualdea 2015-05-21 12:59:22

Aiztondo Zerbitzuen Mankomunitateak San Antonio egunez, ekainak 13, jubilatuentzako irteera  antolatu du Urkiolara. Goiza Urkiolan pasa ondoren, Durangon bazkaldu eta herria ezagutzeko aukera izango dute parte hartzaileek arratsaldean. Izena emateko epea maiatzaren 29an, ostiralarekin amaituko da Aiztondoko bulegoetara gerturatuta edota 943693930 telefono zenbakira deituta. Irteera orduak:

IRUDIETAN
BIDEOAK
Eskualdea
Eskualdeko bideoak
Ikus bideo guztiak(+)
AGENDA
ZORION AGURRAK
  • ZORIONAK JUNE

    June Bergara Zubeldia, maiatzaren 16an 5 urte! Sorgin, alai, polit..., muxu goxo mordoa zuri, Paule ahizpa eta etxeko guztien partez.

  • ZORIONAK OINATZ
    Oinatz Zatarain Korrotxanok 4 urte beteko ditu maiatzaren 23an. Zorionak etxeko guztien partetik, ata Unax eta Aner lehengusuen partetik. Muxu handiak
  • ZORIONAK IERA!!!
    Maiatzaren 24ean urte bat beteko du gure etxeko sorgiñak, muxu potolo bat etxeko guztien partetik! 
  • ZORIONAK ITXASITO!!
    Maiatzaren 24an 18 urte beteko dituzunez, behar den bezala zoriondu nahi zintugun! Ederki pasa! "Neska jatorra zarelako...ta beti izango zarelako!". Etxekoak.
  • ZORIONAK BIKOTE!
    Ander Eizagirrek maiatzaren 22an urteak beteko ditu, bere aitak, berriz, 28an. Zorionak bioi eta muxu handi bat familia guztiaren partetik.

  • ZORIONAK MIKEL
    Mikel Iza Lasagabasterrek bi urte bete zituen apirilaren 29an. Muxu bete zaku zuretzat, maite zaitugu!!

  • ZORIONAK
    Naroa Irazu Romanek maiatzaren 12an 6 urte beteko ditu, bere ahizpa Izarok, maitzaren 30ean 8 urte. Beti bezain alai eta jator jarraitu. Marrubizko muxutxoak. Etxekoak.
  • ZORIONAK
    Zorionak maiatzean urteak betetzen dituzuenoi, Adunako eskolako lagunen partetik.
  • ZORIONAK BIKOTE!
    Maiatzaren 17an Alejandrok 18 urte beteko ditu eta 26an bere arreba Leticiak 22.
    Zorionak eta muxu bana.
    Aita eta ama.

  • ZORIONAK

    Maiatzaren 7an Paul jaio zen. Ongi etorria txikitxo!
    Maiatzaren 14an Angelek urteak beteko ditu. Jakin ezazu itxasoa maite duzun bezainbeste maite zaitugula. Ospatuko dugu!! Besarkada bat etxekoen partetik!

  • ZORIONAK AMONA MARITXU
    Zorionak amona Maritxu! Maiatzaren 23an beteko dituzun urte borobilengatik. Zazpi biloben eta etxeko gainerakoen partetik.
  • ZORIONAK NAIA
    Naia Iraola Sudupe, ekainaren 1ean 5 urte.
    Zorionak eta urte askotarako etxeko guztien partetik
IRITZIA
ARGAZKI BILDUMAK
INKESTA
Aiurri astekarian zer duzu gogokoen?
Aiurri astekarian zer sakonduko zenuke?
Zumea plazako eskultura
Galdera: Zumea plazatik kendu eta gero, Andoaingo beste kokagune batean jartzearen alde zaude?

Azpikolako harrobia
Azpikolako harrobia irekitzea aztertzen ari da Andoaingo Udala. Ados al zaude?
© Erroitz. Aiurri, eskualdeko nortasun hitzak. 943 300 732 andoain@aiurri.com