Urnieta 2015-03-29 09:35:26

400 partaidetik gora izan zen Urnietako lehen mendi lasterketa txikian, antolatzaileen aurreikuspen guztiak gaindituz. Hainbeste ziren lasterketa txikia adinka egin behar izan zutela. Antolatzaileek ibilbide ikusgarria antolatu zuten, mendi lasterketa handiko mendien aldapak irudikatuz.

Argazkiak: Lasterketa txikia | Puzgarriak
Bideoa: Lasterketa txikia

Villabona 2015-03-27 16:19:59

Gaur goizean, Memoriaren astearen baitan, amasavillabonaoroitzen.net web orria aurkeztu dute Villabonako udaletxean. Nora Urbizu zinegotziak, Esti Amenabarro 'Frankismoaren aztarnak arakatzen II: egiaren minak' liburuaren egileak eta webgunea edukiz jantzi duenak nahiz Zitu enpresaren izenean, Ainhoa Esnaolak hartu dute hitza aurkezpenean:

Argazkiak Bideoa

Gaur iluntzean, Bertha Gaztelumendik zuzendutako 'Negar franko egin zuen aitak' dokumentala ikusgai izango da Gurea zineman, 19:00etatik aurrera. Amasa eta Villabonako hainbat herritarren oroitzapen eta hitzekin osatu da dokumentala.

Villabona 2015-03-27 14:49:00

Lourdes Herrasti Aranzadiko kide eta historialariak gerrak emakumeari eragindako errepresio bikoitzaren frogak eta horren inguruko hausnarketa bideratu zuen atzo iluntzean Subijana etxeko hitzaldian. Testuinguru historikoaren errepasotik abiatuz, istorio pertsonaletaraino iritsi ziren zapalkuntzaren ereduak; gerra terminoetan, "emakumea gizona zigortzeko" erabiltzen baitzen, mezulari moduan. Hainbat emakumek jasandako jazarpen, bortxaketa eta humiliazioen artean emakumeek frontean izandako paperaz ere aritu zen Herrasti, lehenik guduko lehen lerroa hartu zutenak gero zaintzara nola bideratu ziren aztertuz. Gerraren ostean ezarri zen erregimenak emakumea are gehiago baztertu zuenez, gaur oraindik isiltasun hori presente dagoela eta azaleratu egin behar dela aldarrikatu zuen.

Andoain 2015-03-27 14:18:59

Andoaingo Euzko Alderdi Jeltzaleak Mari Jose Izagirre buru izango duen hautagaitza aurkeztu du. Euren esanetan: “zerrendak esperientzia eta gaztetasuna uztartzen ditu, adin eta lanbide ezberdinetako gizon-emakumeek osatzen baitute. Bestelako Andoain baten alde egiteko grinak batzen ditu denak. Punta-puntako lantaldea osatu dugu, eta andoaindarren konfiantza lortuko dugunaren itxaropena dugu”.

Aurkezpen bideoa | Zerrenda osoa:

Urnieta 2015-03-27 14:13:51

HAUR FESTA URNIETAN. ORDUTEGIAK:
11:00-13:00 Puzgarriak.
16:30 Festaren hasiera.
17:15 Beroketa ariketak.
17:30 Urnietako I. Mendi lasterketa txikia.
Ondoren, zozketa eta txokolatada.
19:00 Festa amaiera.
*5 euroko sarrerarekin, ekitaldi guztietan parte hartzeko aukera dago.

Kronika:

Urnieta 2015-03-27 14:13:34
Igande goizean bostehundik gora korrikalarik parte hartuko dute Urnietako mendi lasterketaren laugarren edizioan, zeinak dagoeneko euskal herriko lasterketen egutegian toki garrantzitsua hartu duen.
Andoain 2015-03-26 13:45:50
Frankismoak Andoainen eraildako bost biktimen senideek agerraldia egin zuten udaletxean, martxoaren 21ean. “Oroituz, Andoainen” elkartearekin batera egindako txosten pertsonalak aurkeztu zizkieten Ana Carrere alkateari eta Jose Maraña idazkariari. Fedea eman zuten euren sinadurarekin, ekitaldiarekin ofizialtasuna emanez.
Andoain 2015-03-26 13:45:28
Berrikuntza nabarmenekin datoz aurtengo Santa Kruz jaiak. Koadrilen eguna apirileko azken larunbatean ospatuko da; jaiak maiatzeko lehenengo asteburuan. Aurtengo asmoen berri emateko Jai Batzordeak festazaleak eta bereziki herriko koadrilak ostegun honetan egingo den bilerara deitu dituzte. Urigain kultur etxean ipini dute hitzordua, arratsaldeko 19:00etatik aurrera.
Villabona 2015-03-26 12:55:55

Memoriaren astearen baitan, erbesteak utzitako zauriei buruz jardun zuen atzo iluntzean Josu Chueca historialari eta irakasleak. 1936ko Gerra eta gerraosteko erbesteratzeak hobeto ezagutarazteko aukera eskainiz. Chuecaren ikerketaren ildotik, bereziki aztertu zen Frantziako konzentrazio eremuena; izan ere, kasu nabarmenena izateaz gain Grus-eko gunean bildu zen euskaldun gehien; tartean, sei billabonatar. Esti Amenabarro Aritzako kultur eljarteko kideak datuz jantzi zituen Chuecaren hitzak, aurkeztu berri duen liburuari tiraka.

Gaur, martxoak 26, Lourdes Herrastiren 'Frankismoa eta emakumeak, zigor bikoitzaren kronikak' hitzaldia izango da Subijana etxean, 19:00etatik aurrera.

Villabona 2015-03-26 12:54:31

Joan zen asteartean, Aritza kultur elkarteko Esti Amenabarro billabonatarrak idatzitako 'Frankismoaren aztarnak arakatzen II: Minaren egiak' liburua aurkeztuz ekin zitzaion martxoaren 31ra arte luzatuko den Memoriaren asteari. Nora Urbizu zinegotzia, Pako Etxeberria Aranzadi elkarteko lehendakari eta auzi medikua eta Xabier Urmeneta psikologoa, memoria historikoan aditu eta Foru Aldundiko teknikoa izan zituen laguntzaile. Subijana etxea jendez lepo bete zen iraganeko egiak egunera ekartzeko liburuaren aurkezpenean.

Argazkiak / Bideoa

IRUDIETAN
BIDEOAK
Eskualdea
Eskualdeko bideoak
Ikus bideo guztiak(+)
AGENDA
ZORION AGURRAK
  • ZORIONAK
    Zorionak martxoan urteak betetzen dituzuenoi, Adunako eskolako lagunen partetik.

  • ZORIONAK LIBE!
    Libe Izagirre Usarraldek apirilaren 3an, 3 urte egingo ditu. Zorionak eta muxu pila etxekoen partez gure printzesarentzat!!!
  • ZORIONAK UNAI
    Eta konturatzerako..., urtebete! Zorionak Unai Gerriko Arotzena! Laster ttipi-ttapa zu ere anaiaren atzetik korrika. Muxu potolloak. Etxekoak.
  • ZORIONAK IXI
    Gure etxeko poxpolinak 10 urte beteko ditu apirilaren 5ean. Zenbaki borobila! Jarraitu horrelako bixkor eta atsegin. Ama, aita, Markel eta Juanin.
  • ZORIONAK BIKOTE
    Andoni Irazu Jauregik martxoaren 30ean 11 urte beteko ditu, Nerea, bere arrebak, apirilaren 7an 9 urte. Ondo ospatu zuen urtebetetzea, kandelak itzaltzeko prest al zaudete? Muxu handiak, etxekoak.
  • ZORIONAK BIKOTE!
    Olaiak zazpi urte beteko ditu apirilaren 11n eta aitona Anttonek 87, egun berean. Zorionak eta muxuak bioi etxeko guztien partetik.
  • ZORIONAK KLARA
    Klara Larrañaga Letamendiak 7 urte beteko ditu apirilaren 11b. Zorionak eta muxu potoloak Andoaindik, aiton-amonak.
  • ZORIONAK
    Apirilaren 12an Axel eta Amane bikiak 2 urte beteko dituzte. Txokolatezko tartaren kandelak itzaldu ostean, denon artean jango dugu! Muxuak etxekoen partetik. ANDOAIN-ADUNA
IRITZIA
ARGAZKI BILDUMAK
INKESTA
Aiurri astekarian zer duzu gogokoen?
Aiurri astekarian zer sakonduko zenuke?
Zumea plazako eskultura
Galdera: Zumea plazatik kendu eta gero, Andoaingo beste kokagune batean jartzearen alde zaude?

Azpikolako harrobia
Azpikolako harrobia irekitzea aztertzen ari da Andoaingo Udala. Ados al zaude?
© Erroitz. Aiurri, eskualdeko nortasun hitzak. 943 300 732 andoain@aiurri.com